CNM Rede

Elías Torres asegurou no Cantos na Maré Rede 2008 que a Universidade de Santiago de Compostela está virada cara á cooperación coa Lusofonía xa nos seus propios estatutos. Neste sentido, o vicerreitor de Cultura recordou que a USC busca parcerías no mundo das artes escénicas, da música, da literatura e afirma que tamén están dispostos a albergar proxectos da lusofonía que se queiran desenvolver nos espazos da Universidade, tanto en Santiago como en Lugo. Torres tamén introduciu o debate ao redor do propio termo Lusofonía. “Aos brasileiros dálles igual, aos africanos sóalles neocolonial e aos galegos non lles soa”, afirmou. Por iso propuxo un termo desenvolvido por Luis Rufato, o de galeguía. “En calquera caso”, concluiu, “Lusofonía é un termo utilitarista que soluciona os problemas de economía lingüística que xurden ante opcións como a de comunidades de países da lingua portuguesa”.

Neste senso, Fran Pérez defendeu que a lingua portuguesa non é máis que unha ponte para chegar a culturas lonxanas. “Temos as ferramentas necesarias, como o idioma e os foros, para xenerar unha rede que facilite a concreción de proxectos artísticos”, asegurou. Tamén Emilio Cao afondou nesta idea ao afirmar que “os vínculos xa están establecidos”. Cao dixo que, agora, “o importante é chegar á xente da rúa, que aínda non asume a Lusofonía como un activo”.